ЗАКАРПАТСЬКЕ ПОБАЖАННЯ

Нови́й Рук гі грум із не́ба

Ско́чив про́сто ми до же́ба.

У поро́жньий жеб захпа́вся

Краснінько́ субі́ укла́вся.

Се ня про́сто учміли́ло

Не чека́в’ім убали́ло.

Ще лем а́дде кру́мплі бра́ли

Аче́й ру́ські о́сінь вкра́ли.

Ту гости́ну би лади́ти

В бо́вті ї́діня купи́ти.

Назгріба́в’ім копійо́к

Гі узі́мі із грядо́к

Де лем би́ля ся опста́ло –

Вши́тко вжек ся зазбера́ло.

В бо́вті мі́сто гірінґу́

Ви́джю я лем мурянґу́.

На стул ри́би не буде́

Яко́сь лем оно́ буде́.

На ікру́ не устає́

Хлі́ба сві́жого ніє́.

Купи́в лі́тер я пасо́лі

Ще в ня шпайз є до недо́лі.

Там капу́ста у відрі́

Буде́ хоть штось на столі́.

Масть цібу́ля солони́на

Пи́во па́лінька – гости́на

Ву́йде до́кус непулла́.

Ще й колба́са ся найшла́.

Што я а́дде наріка́ву?

У пивни́ци кру́мплі ма́ву.

Майоне́зу фля́шча ку́плю

І таки́й сала́т залу́плю!

Сли́на вжек ми потекла́

Би сусі́да не врекла́.

Рук спрова́диться стари́й

Да́як стрі́неме нови́й.

Бись’ме лем побірова́ли

І до пу́вночи не впа́ли

Пи́ском в та́нірь із сала́том.

Вадь поплетеме́ із бра́том

Стари́й кре́денц што у сі́ньох.

Мо́же заспиме́ на ді́льох?

То не бай нись Нови́й Ру́к!

Бу́дьте гі карпа́тський бу́к

Вши́ткі здорове́нькі!

У жеба́х най зелени́нькі

До́ллари давля́ть у па́х.

Най буде́ так! Ко бов ба́г?